რიტმში დახატული ბუნება მეჩემება,ათასი ფიქრი მაქვს სასმელში გარეული
ცოტა დავთვერი და ალბათ მეჩვენება,თავად მთვარე დადის როგორც მთცარეული
ხედვებს მიმშვენებს მუზა შიშველი,მალე ქალთა ზღვაშიც გადავარდები
ერთგული სახით შენ ვერ მიშველი ამ თამაშიდან მე არ გავარდები

ღამეს ვარსკვლავები ჩუმათ დავაწყვიტე,მათი დათვლა მინდა უგონოთ მთვრალს
არჩევანთან ვდგავარ და ვერ გადავწყვიტე,რომელს დავეწაფო ღვინოს თუ ქალს
ქალის მოფერება ხშირად მაქვს განცდილი,სხეულში ვკარგავდი მზერას ბურუსიანს
თქვენთან შეხვედრა ცუდად მაქვს დაცდილი ამიტომ ღვინოს დავლევ მაღალ გრადუსიანს

ლოთი ვარ მარა მერე რა ვითომ,თუ მოგვინდება მოვირგებთ ნიღბებს
ქალები მიყვარს ცალ-ცალკე თითოთ,ურცხვათ ოთახის კარებს რომ მიღებს
ხანდახან ამერევით ხდება რავუყო,თუ დამავიწყდით მაშინ დავაშავებ
სხეული ცოტახნით სხვას რომ გავუყო ამისთვის შავ სიაში მე ნუ გამაშავებთ

ვერ ვიტან ცრემლების ფოთლებად ცვენას,ჩემგან ოქროს ბეჭედს ნურასდროს მოელით
ცოტახნით მოშორდით გათხოვების სცენას მივყვეთ ამ დინებას და დავტკბეთ ყოველით
ამ ღამეს მე ვიქნები შენი გადამრჩენი დილამდე დავიპყრობ ყველა ასპარეზს
გულიდან მოიშორე უაზრო ნარჩენი ამ ტუჩებს კოცნა გრძნობებმა ასწავლოს

იცოდე მარტოობა უარეს გაკადრებს ამიტომ დავივიწყოთ ყველა დანარჩენი
თვალების დახუჭვით ავყვეთ ამ კადრებს და საწოლს მივანდოთ ჩვენი განაჩენი
ასეთი ნაოჭი დახატავს პროფილებს დრო იცვლება ყველასთან მაშორებს
რაც კი გადაგვხდა მივმართავ ყოფილებს ჩვენი გულებიდან ვერასდროს წააშორებს

ფქვილი თქვენი იყოს მომაყარეთ ქატო იქნებ ტალღებმა სადმე გადამრიყოს
ლექსის ბოლოში კი მომახურეთ მანტო როგორც ზღაპრებში იყოს და არა იყოს
თავად შემეჩვია ერთგული ღალატი ამიტომ დამტოვა ცხოვრებამ მარტო
მაცვია სიმარტოვის ცივი ხალათი პასუხიც ნათელია რისთვის და რატომ.